يا ام ياسر ارقدي واطمئني
ما دام ربعك هم سناعيس حايل

اهل العزاوي ملحقين الموني
هم ستركن يا ناقضات الجدايل

اقدامهم صوب العلا يصعدني
وايمانهم ما تعطي الا الجزايل

افعالهم (واقوالهم) يحكمني
وامجادهم عليه شهود ودلايل

وساع الطعون رماحهم لا طعنني
(كبار) الصحون وكاسبين النفايل

هم مزب(ن) للي يديه قصرني
اهل الحمية والوفا والفضايل

فزعاتهم تشفي صدور(ن) تحني
ووقفاتهم تروي كبود(ن) علايل

كد قالها العوني عصور(ن) مضني
في موقف(ن) معروف يوم النزايل

وكل القبايل نعم والفين مني
يستاهلون النعم كل الحمايل

واليوم ياشمر نبيها تغني
الراعبية فوق بيض النثايل

قوموا مع اللي وسط سجنه يوني
فكوه بالفزعة وكبر النحايل

تكفون قبل ايامها ينقضني
فات الكثير وما بقى به صمايل

والله معاكم خالق انسه وجني
هو ملتجى المضيوم وقت الهوايل


اخوكم/ خالد بن محمد العقيلي بن عروج الرمالي