تفرق تضاريس المدن والحضاره
ماهي بمثل البر لاهبت النود
هذي تجيب الضغط ورفع الحراره
وهذي تزين مهجه القلب بورود
يازين شوف البر واضح خضاره
بين الرياض الخضر والشوف ممدود
ماتسمع اللي يشتكي من خفاره
ولا تشوف للتايمشيت والهلمد حشود
ناس ن ادارتهم رجال النعاره
وناس ن مداراهم خواجات وهنود
وناس ن ذبحها الهم وزاد المراره
الأنظمه مثل الكلبشات وقيود
غير ازدحام الطرق وطول الاشاره
عزيل منهو بالأشارات مصيود
وساهر على الاجواد يشن غاره
غاره ولكن دون ملح ن وبارود

عبدالله طليحان الرمالي